Rruga e pasigurt e Serbisë: Shqiptarët etnikë, autokracia dhe bashkëfajësia ndërkombëtare

Zgjedhjet e Serbisë hedhin një dritë të fortë mbi cenimin e së drejtës së votës së shqiptarëve etnikë, duke zbuluar një dukuri shqetësuese të autokracisë dhe bashkëfajësisë ndërkombëtare.

Bujanoc, jugu i Serbisë — Ndërsa, zgjedhjet parlamentare në Serbi mbahen të dielën, vendi përballet me të kaluarën e tij të trazuar, që hedh hije të mëdha mbi të tashmen dhe të ardhmen e tij. Zgjedhjet e planifikuara për 17 dhjetor 2023, nuk janë thjesht një garë politike, por një reflektim i çështjeve më të thella që vrasin vendin, veçanërisht situatën e komunitetit të tij shqiptar. Kjo çështje, e rrënjosur në një histori të ndërlikuar të konflikteve dhe manovrimeve politike të sotme, ngre shqetësime të thella mbi përkushtimin e Serbisë ndaj vlerave demokratike, të drejtave të njeriut dhe harmonisë rajonale.

Historia e Ballkanit është një mozaik i shumëllojshmërisë etnike dhe identiteteve kombëtare të ndërlikuara, shpesh të kapura në narrativat e zgjeruara gjeopolitike të Europës. Shpërbërja e Jugosllavisë në fund të viteve të ‘90-ta, shkaktoi një valë nacionalizmi dhe përçarje etnike, duke çuar në fushatat e famshme të spastrimit etnik, nën regjimin e Sllobodan Milosheviçit. Këto ngj…