Kosova e Terrorizuar (1/6)

Terrorizmi në Kosovë ishte një realitet alarmues ndërmjet viteve 2008-2015. Korruptimi dhe varfëria e popullatës civile po përhapej pandalim, ndërsa politikanët milionerë bashkëjetonin me krimin e organizuar, e rekrutimi i xhihadistëve duket të ketë qenë i vëzhguar por jo edhe i penguar.

Vudi Xhymshiti, Qershor 2015.

Terrorizmi?! E gjitha fillon me një shaka në Kosovë: “Në qoftë se ju jeni me mjekër, hiqeni atë, sepse nëse një polic kalon andej, ju do të mund të përfundoni sonte i burgosur” – thonë disa të rinjë kosovarë në perëndim të vendit.

Që nga përfundimi i luftës me Serbinë, Kosova qëndron ndër vendet më të varfra të Evropës me politikanët milionerë të zhytur në krim. Një e treta e fuqisë punëtore është e papunë dhe korrupsioni është i përhapur kudo. Rreth dy në tre nën moshën 25 vjeçare janë aktualisht të papunë, dhe gati 50% e 1.8 milionë qytetarëve të Kosovës konsiderohen të jenë të varfër. Universitetet publike frekuentohen kryesisht nga të varfërit, edhe pse cilësia e studime…